Braun kritikon strategjinë amerikane pas invazionit në Irak

Braun kritikon strategjinë amerikane pas invazionit në Irak

Kryeministri britanik Gordon Braun i ka thënë komisionit hetues për luftën në Irak se Shtëpia e Bardhë nuk i ka përfillur paralajmërimet se Iraku mund të zhytet në kaos pas përmbysjes së Sadam Huseinit.
Braun ishte sekretar i thesarit në vitin 2003 gjatë invazionit të prirë nga SHBA-të në Irak, por mohoi se e ka kufizuar financimin për ushtarët britanikë.
Ai e kritikoi planifikimin amerikan për periudhën pas invazionit, duke thënë se zyrtarët në Uashington kanë dështuar t’i vënë veshin nevojës për të patur një plan të qartë pasi Sadam Huseini të ishte larguar nga pushteti.
Braun tha se ishin bërë gabime nga udhëheqësit në Uashington dhe në Londër pas invazionit, por shtoi se vendimet “ishin të drejta për arsye të drejta”. (EEL)