Rivendoset rendi në Nigeri

Rivendoset rendi në Nigeri

Policia ne Nigeri thotë se kanë rivendosur rendin në tre fshatra që kanë qenë në qendër të dhunës më të fundit ku janë vrarë qindra vetë në Nigerinë qendrore.

Punëtorët e agjencive të ndihmave janë ende duke u përpjekur për të vlerësuar numrin e të vdekurve në tre komunitete në jug të rajonit Jos.

Qindra burra, gra dhe fëmijë janë vrarë në fshatrat e Dogo-Nahawa, Fan, dhe Zot në jug të rajonit Jos.

Banorët lokalë thonë se banda nga fisi Fulani, një komunitet endacak sulmuan fshatrat.

Gazetarët dhe dëshmitarë nga morgët dhe spitalet përshkruajnë familjet që ishin rrahur për vdekje me shpata.

Ka pasur edhe njoftime për shtëpi të djegura deri në themel.

Vrasjet përshkruhen si hakmarrje ndaj sulmeve të janarit në të cilat qindra persona të tjerë u vranë.

Atëherë humbjet më të mëdha u pësuan nga komuniteti Hausa Fulani.

Në fshatin Kuru Karama mbi njëqind njerëz u vranë dhe trupat e tyre u hodhën në puse dhe kanalizime.

Akuza të rënda u bënë ndaj autoriteteve lokalë të cilat thuhet të kishin nxitur dhunën.

Këtë herë ishte e qartë se në shënjestër ishin të krishterët Berom.

Për javë të tëra ka patur zëra që kanë sugjeruar se do të ketë hakmarrje në këto fshatra dhe banorët atje kanë jetuar ne frike dhe ankth dhe shumë familja kanë lënë shtëpitë e tyre.

Këto vrasje shpesh përshkruhen nga politikanët lokalë, si një konflikt fetar apo sektarian, në fakt kjo është një luftë mes grupeve të ndryshme etnike për tokë pjellore dhe burime në rajonin e njohur si brezi i mesëm i Nigerisë.