Në Athinë, vritet me thikë i riu shqiptar

Në Athinë, vritet me thikë i riu shqiptar

Athinë, 9 mars – Një 22 vjeçar shqiptar, emri i të cilit nuk bëhet publik, është ekzekutuar në rrugën “Pratinu” në lagjen Pagrati të Athinës.
Sipas policisë, trupi i 22 vjeçarit u gjet i pa jetë në korridorin e pallatit ku ai banonte prej fqinjëve të tij.
Policia, që mbërriti menjëherëë në vendngjarje, tha se viktima kishte në trup disa plagë të shkaktuar nga një mjet prerës, ndoshta thikë, ka raportuar Top Channel.
Ndonëse krimi ndodhi rreth orës 20, sipas orës lokale, askush prej banorëve të pallatit nuk pa ose dëgjoi diçka të pazakontë.
Fqinjët thanë jashtë kamerave se i riu i ekzekutuar kishte pak kohë që kishte marrë me qera një banesë në rrugën “Pratinu” dhe se ai nuk komunikonte pothuaj fare me banoret e tjerë të pallatit.
Fqinjët thanë se bëhet fjalë për një person që kishte sjellje normale dhe pak njerëz e vizitonin në banesen e tij.
Trupi i pa jetë i 22 vjeçarit u dërgua në morgun e Athinës për ekspertizë mjeko-ligjore, ndërsa policia ka filluar hetimet në rrethin e personave të njohur të viktimës për të gjetur edhe autoret e ketij krimi.