Shkelje të të drejtave të njeriut në mbarë botën gjatë vitit 2009

Shkelje të të drejtave të njeriut në mbarë botën gjatë vitit 2009

Departamenti amerikan i shtetit (DASH) ka bërë të ditur se shumë qeveri në mbarë botën kanë vazhduar të bëjnë shkelje të rënda të të drejtave të njeriut. Në raportin vjetor të DASH it, i cili u publikua sot në Uashington, pos të tjerash, thuhet se në vitin 2009 "ka pasur një numër alarmues i raporteve për torturë, vrasje jashtëligjore dhe shkelje të tjera të të drejtave universale të njeriut".

Sekretarja amerikane e shtetit, Hilari Klinton, duke e paraqitur raportin, pos tjerash, tha:Ne e gjetëm vetveten në një moment kur një numër në rritje i qeverive po imponojnë kufizime të dëmshme në organizatat joqeveritare, që punojnë për t'i mbrojtur të drejtat dhe për forcimin e llogaridhënies, tha Hilari Klinton.
Në raportin e të drejtave të njeriut për vitin 2009 të Departamentit amerikan të shtetit është përfshirë edhe Kosova.