Ahmadinexhad: Do ti thyejmë dhëmbët Amerikës!

Ahmadinexhad: Do ti thyejmë dhëmbët Amerikës!

Presidenti iranian Mahmud Ahmadinexhad paralajmëroi homologun e tij amerikan me një mesazh të transmetuar në televizionin publik.
Ahmadinexhad është shprehur se do t'i japë një përgjigje strategjisë së re amerikane për armët bërthamorë, e cila u bë publike nga presidenti Barack Obama.
Në këtë strategji nuk përjashtohej mundësia e vënies në përdorim të të armëve bërthamore ndaj Iranit e Koresë së Veriut.
"Uroj që deklaratat e publikuara të mos jenë të vërteta", tha Ahmadinexhad. "Obama ka kërcënuar se do të përdorë armë bërthamore dhe kimike kundër atyre shteteve që nuk i përulen SHBA-së.
I them të bejë kujdes, pasi nëse ndjek rrugën e George Bush, atëherë përgjigjja e vendeve të përmendura nga ai do të jetë: Do t'ju thyejmë dhëmbët!".
Ky ka qenë paralajmërimi i presidentit Iranian, Ahmadinexhad.