Llojet e pasurisë për të cilat duhet paguar zekatin

Llojet e pasurisë për të cilat duhet paguar zekatin

"Shtyllat e Islamit dhe të Imanit" i Shejh Muhamed bin Xhemil Zino



Zekati është i detyrueshëm për katër gjëra:



- Së pari: Prodhimi i tokës së punuar [drithërat] dhe i frutave, sipas thënies së Allahut:



"O ju që besoni, harxhoni prej gjërave të mira që keni fituar dhe prej asaj që Ne e prodhuam nga toka për ju, dhe mos e synoni atë që është keq të harxhosh prej saj, ndonëse ju vetë nuk do ta pranonit atë, përveç me sy mbyllur ..." [2: 267];



"... por paguani atë që është për t'u paguar [zekatin] në ditën e korrjes së saj..." [6:141]



Shuma më e rëndësishme e pasurisë për t'u paguar është zekati. Pejgamberi, salallahu alejhi ue selam, ka thënë:



"Për një tokë të vaditur nga shiu apo me anë të kanaleve të ujitjes, apo ngaqë toka është e lagësht, për shkak të afërsisë ndaj kanalit të ujitjes, ushr [një e dhjeta] është e detyrueshme si zekat. Kurse, për një tokë të ujitur nga një pus, gjysmë ushr [një e njëzeta] është e detyrueshme në prodhimet e tokës".



- Së dyti: Ari, argjendi dhe paratë



Allahu thotë:



"... dhe ata që tubojnë ari dhe argjend dhe nuk e harxhojnë në rrugë të Allahut, bëjua të ditur një torturë të dhimbshme". [9:34]



Dhe në Sahi Muslim, Ebu Hurejre, radijallahu anhu, ka transmetuar nga pejgamberi të ketë thënë:



"S'ka pronar të arit e të argjendit, i cili nuk e paguan shumën e duhur për to, veçse, në Ditën e gjykimit, ari e argjendi do të rrihen në shtresa/çarçafë zjarri, çka me tutje do të nxehet në Zjarrin e xhehenemit, e pastaj ijët [anët] e tij si edhe balli e shpina e tij do të damkosen me to. Sa herë që ftohen, do të zëvendësohen me çarçafë/shtresa të nxehura. Kjo do të vazhdojë për një ditë, e cila do të zgjasë 50.000 vjet, derisa të gjykohen robërit/njerëzit".



"Shuma", të cilës i referohet këtu, është zekati, siç përmendet në një version tjetër:



"S'ka pronar të një pasurie të grumbulluar, i cili nuk e paguan zekatin, ..." [Muslim]



- Së treti: Artikujt e biznesit, domethënë, mallrat e shitura



Kjo përfshin pasurinë e patundshme, kafshët, ushqimet, pijet, veturat, etj. Pronari duhet të llogarisë vlerën e tyren fund të vitit të parë të biznesit [dhe çdo vit pas tij] dhe të paguajë 2.5 % të vlerës së tanishme të tyre, qoftë kur vlera e tyre është e njëjtë si kur i ka blerë ato apo është ngritur a ulur.



Është e detyrueshme për pronarët e bizneseve, si ata të dyqaneve ushqimore, stërshitësit e veturave, depo pjesësh, që të mbajnë një llogari të hollësishme çdo vit dhe të paguajë zekatin e kërkuar për të. Nëse kjo është e vështirë për ta, ata mund të sigurohen dhe të paguajnë aq sa të jenë të sigurt se kanë kryer përgjegjësitë.



- Së katërti: bagëtitë, domethënë, gjedhet, delet dhe dhitë



Me kushtin që ato të kullotin lirshëm, jo të ushqyera me drithë a me ushqim special, dhe që është rritur për t'u shitur, zekati duhet të paguhet për to. Jo sepse është bagëti, por për shkakun se kjo është mall për shitje [kategoria e tretë], i pagueshëm në 2.5 % të vlerës së shitjes, nëse mbërrin sasinë minimale, sasinë e pagueshme për mall [qoftë vetvetiu apo në bashkim me mallrat e tjera për shitje].