Feja Islame
Es Selam Alejkum
Mirë se erdhët në Forumin islam! Me sa duket ende nuk jeni regjistruar.

Çelësi.....

Shko poshtë

Çelësi.....

Mesazh nga Ebu Beker prej Thu Mar 11, 2010 10:40 pm

Çelësi

Çdo derë ka çelësin e vet! Merre mjaltin, por mos e thyej kosheren. Disa njerëz, kur dëshirojnë të marrin mjaltin, i bien me këmbë kosheres dhe e dëmtojnë. Këtyre duhet t’u tërhiqet vërejtja se nuk duhet të veprohet kështu, pasi nxjerrja e mjaltit nga kosherja ka mënyrën e vet. Pra, ekziston hyrja dhe duhet të kesh me vete çelësin. Por nëse nuk di si të hysh, atëherë duhet të mësosh nga ai njeri i cili di dhe ka njohuri. Kështu mund të arrish te mjalti pa e thyer kosheren.

Të nderur vëllezër! Disa prej nesh duke udhëtuar për në rrugën e Allahut të Lartësuar dëshirojnë të vjelin diçka nga hairi, por pa vetëdije tregojnë papjekuri dhe nuk i kanë në duar çelësat e arritjes. Së pari duhet të kuptohet realiteti dhe të analizohet gjendja. Lusim Allahun e Lartësuar të na furnizojë me kuptim të drejtë të fesë sonë!

Allahu i Lartësuar ka bërë që çdo e kërkuar të ketë çelësin e vet, që të realizohet hapja.
Çelësi i namazit është pastërtia (abdesi).
Çelësi i haxhit është ihrami.
Çelësi i mirësisë është besnikëria.
Çelësi i xhenetit është teuhidi (njëshmëria).
Çelësi i diturisë është pyetja.
Çelësi i fitores është sabri (durimi).
Çelësi i shtimit (të të mirave) është falënderimi.
Çelësi i miqësisë (me Allahun) është dashuria dhe përkujtimi.
Çelësi i shpëtimit është takvallëku (devotshmëria).
Çelësi i suksesit është vullneti dhe shpresa.
Çelësi i përgjigjes është duaja.
Çelësi i imanit është të menduarit për atë që Allahu ka ftuar të mendohet.
Çelësi i hyrjes për tek Allahu i Lartësuar është dorëzimi i zemrës dhe shpëtimi i saj, pastaj ihlasi (sinqeriteti) në çdo gjë duke shprehur dashurinë dhe urrejtjen vetëm për hir të Allahut.
Çelësi i jetës së zemrës është të menduarit për fjalët e Allahut, Kuranin, përulja ndaj Krijuesit dhe largimi prej mëkateve.
Çelësi i rahmetit të Allahut është ibadeti (adhurimi) ndaj Krijuesit Allah.
Çelësi i riskut (furnizimit) është istigfari (kërkimi i faljes).
Çelësi i krenarisë është respektimi i Allahut dhe i të Dërguarit të Tij.
Çelësi i parapërgatitjes për ahiret (botën tjetër) është shpresimi i vogël në këtë botë.
Çelësi i çdo të mire është dëshira për t’u takuar me Allahun në shtëpinë e përhershme, në ahiret.
Çelësi i çdo të keqeje është dëshira dhe lakmia e madhe për këtë botë.

I nderuar vëlla! Ruaji dhe mbaji fort çelësat, që të kesh mundësi të hapësh dyert. E, nëse i humb çelësat dhe fillon të thyesh dyert, ke mundësi të hysh, por ke për të humbur mjaltin.

_________________
E kush është në rrugë më të mirë se ai që thërret në rrugën e All-llahut, që bën vepra të mira dhe që thotë: “Unë jam prej muslimanëve?” (Fussilet/33)
avatar
Ebu Beker
Anëtarë Aktiv
Anëtarë Aktiv

Numri i postimeve : 300
Points : 624
Reputation : 0
Data e Anëtarësimit : 09/01/2010

Mbrapsht në krye Shko poshtë

Mbrapsht në krye


 
Drejtat e ktij Forumit:
Ju nuk mund ti përgjigjeni temave të këtij forumi