Rikthehet bora në verilindje, izolon fshatrat

Rikthehet bora në verilindje, izolon fshatrat

Reshje të shumta bore kanë përfshirë zonat veriore të vendit, çka kanë krijuar vështirësi në shumë akse dhe fshatra të thella.

Komunat e thella malore, si ajo e Grykë Çajës, Arrënësit, Zapoti dhe Shishtavecit në Kukës tashmë janë të bllokuara nga bora që ka arritur mbi 40 centimetra.
Të bllokuara janë edhe fshatrat Lekbibaj dhe Markgegaj në Tropojë, fshatra të Komunës Ostren, Kalaja e Dodës si dhe fshatrat e thella të rrethit të Pukës. Ndërkohë, akset Kukës-Qafë Mali, Kukës-Has dhe Kukës-Morinë janë të kalueshëm vetëm me zinxhirë, ndërsa Kukës-Peshkopi e Kukës-Shishtavec janë të bllokuara./start/