Zgjedhjet parlamentare në Irak

Nën masa ta jashtëzakonshme sigurie të dielën po zhvillohen zgjedhjet parlamentare në Irak.
Për 325 mandate konkurrojnë 6.200 kandidatë, ndërsa të drejtën e votës e kanë rreth 20 milionë qytetarë.

Janë këto zgjedhjet e para parlamentare prej tërheqjes së trupave amerikane nga qytetet dhe fshatrat e këtij vendi.

Për të evituar sulmet me bomba dhe sulmet vetëvrasëse prej sot në mëngjes është futur në fuqi ndalimqarkullimi me automjete.

Megjithatë nga Bagdadi njoftohet për një shpërthim të fuqishëm. Sipas të dhënave të para të policisë janë vrarë 12 persona, ndërsa janë plagosur 8 të tjerë.

Grupet ekstremiste kanë kërcënuar me dhunë dhe kanë kërkuar prej irakianëve që të mos dalin në votime.

Rezultatet zyrtare të zgjedhjeve priten më së afërmi brenda një jave. /dw/telegrafi/