Zjarr në aeroportin e Stambollit

Zjarr në aeroportin e Stambollit

Stamboll, 8 mars – Në aeroportin kryesor të Stambollit “Ataturk” ka shpërthyer të dielën në mbrëmje një zjarr i madh, por deri tani nuk ka të dhëna për viktima apo dëme, njoftuan mediet.
Zjarri, shkaktari i të cilit nuk është përcaktuar, shpërtheu në sektorin energjetik, i cili në mungesë së rrymës elektrike furnizon aeroportin me energji, njoftuan agjencitë.
Në vendngjarje shkuan ekipet e zjarrfikësve, dhe zjarri nuk ndikoi në fluturime.
Agjencia private e lajmeve Dogan raportoi se në aeroport janë dërguar disa ambulanca.
Nga zjarri që shpërtheu në vitin 2006 në të njëjtin aeroport, ishte shkatërruar plotësisht sektori i mallrave, dhe dëmet kishin arritur në disa milionë dollarë.