Londër: Ejup Ganiq mbetet në paraburgim

Londër: Ejup Ganiq mbetet në paraburgim

Londër, 3 mas - Gjykata e Londrës vendosi sot se ish nënpresidenti i Bosnjes, Ejup Ganiq, duhet të mbetet në paraburgim në Britani edhe për të paktën dy ditë pasi u arrestua në bazë të fletëarrestit të Serbisë.
Ganiq, 64 vjeç, u arestua në 1 mars në aeroportin Heathrow mbi bazën e një fletëarresti të lëshuar nga Serbia, lidhur me vrasjen e trupave serbe në Bosnje.
Gjykata tha se kërkesa e Ganiqit për dorëzani do të shqyrtohet të enjten, raporton Radio Evropa e Lirë.
Serbia e akuzon Ganiqin se ka urdhëruar vrasjen e më shumë se 40 ushtarëve të armatës jugosllave gjatë tërheqjes së tyre nga Sarajeva në fillim të viteve të '90-ta.
Sipas marrëveshjes për ekstradim, Serbia ka 45 ditë kohë nga dita e arrestimit të Ganiqit që t'u dërgojë autoriteteve britanike detajet e plota për rastin kundër tij.