Të vetëvrarët në Skoci ishin rusë, jo shqiptarë

Të vetëvrarët në Skoci ishin rusë, jo shqiptarë

Glagow, 10 mars – Tre azilkërkuesit që kishin bërë vetëvrasje duke u hedhur nga një ndërtesë 15 katshe, e për të cilët në fillim u njoftua se ishin nga Kosova, pas hetimeve që bëri policia britanike, u kuptua se viktimat ishin rusë, të cilët kishin kërkuar azil në Britani të Madhe, njofton gazeta britanike Mail Online.
Babai, nëna dhe djali, të cilët bënë vetëvrasje, iu ishte dhënë azili në Kanada, por u larguan pas mosmarrëveshjeve që patën me autoritetet atje.
Babai, 43 vjeçar, i quajtur Serge Serykh, i cili pretendonte se ishte pjesëtar i shërbimit sekret rus, besohet se vuante nga probleme të mëdha mentale. Serykh, gruaja e tij Tatiana dhe djali 23 vjeçar, ishin shumë të tmerruar kur kuptuan se do të depërtohen në vendlindjen e tyre, pas refuzimit të azilit në Britani të Madhe, duke vendosur të bëjnë vetëvrasje.
Familja u largua nga Kanadaja në vitin 2007 dhe për dhjetë ditë udhëtuan në Frankfurt, Amsterdam, Bremën, Barcelonë dhe Dublin, para se të arrinin në Londër.
Këtu ata kontaktuar me një parlamentar, duke pretenduar se kryeministri kanadez ishte duke komplotuar kundër mbretëreshës.
Babai gjithashtu thoshte se familja do t’i vritej nëse kthehej në Kanada.
Koha.net kishte dhënë njoftimin e ambasadorit të Kosovës në Londër, Muhamet Hamitit, që në ditën kur ndodhi kjo, se të vetëvrarët nuk ishin nga Kosova.