Turqia protestoi te ambasadori i Suedisë

Turqia protestoi te ambasadori i Suedisë

Ministria e jashtme e Turqisë e ka ftuar ambasadorin e Suedisë në shenjë proteste ndaj votimit në Parlamentin e Suedisë, me të cilin masakrat e armenëve nga Turqit Otomanë, njihen si “gjenocid”.
Ambasadori suedez, Krister Asp, tha pas takimit në Ministrinë e jashtme të Turqisë, se Stokholmi beson se historinë duhet lënë historianëve dhe ka premtuar mbajtjen e lidhjeve “të forta e miqësore” me Turqinë.
Dje, Parlamenti i Suedisë e ka miratuar rezolutën me të cilën “Suedia e njeh gjenocidin në vitin 1915 ndaj armenëve” dhe grupeve të tjera etnike nga Perandoria Otomane.
Turqia në mënyrë kategorike e hedhë poshtë cilësimin gjenocid. /rel/