Po hetohet vrasja e gostivarasit afër Preshevës

Po hetohet vrasja e gostivarasit afër Preshevës

Dhjetë ditë pas gjetjes së trupit të Mahir Jakupit nga Gostivari i Maqedonisë, në rrugën magjistrale Vranjë- Preshevë, hetimi është ende në rrjedhë.
Ministri i Brendshëm serb sot në Shkup tha se tashmë është arrestuar një pjesëtar i policisë serbe i dyshuar për kryerjen e vrasjes, ndërsa është shkarkuar një shef i sektorit.
Javën e kaluar, patrulla e trafikut ka gjetur trupin e Jakupit, dyzetvjeçarë i qëlluar në qafë me armë zjarri në një makinë të parkuar pranë fshatit Zhuinc.
"Hetimi siç e dini është ende në rrjedhë.
Por, ekziston dyshimi i bazuar, domethënë është arrestuar një person, për të cilin ka dyshim se ai ka kryer vrasjen.
Bëhet fjalë për një pjesëtar të Ministrisë së Brendshme i cili është arrestuar dhe është larguar nga puna Shefi i sektorit të Policisë në Vranjë”, deklaroi Ivica Daçiç, ministër Brendshëm i Serbisë. /alsat-m/