Nga shpërthimet në Lahore, 39 të vrarë

Nga shpërthimet në Lahore, 39 të vrarë

Lahore, 12 mars - Raportohet se sot, nga dy eksplodime në qytetin lindor pakistanez, Lahore, janë vrarë së paku 39 vetë dhe plagosur 100 të tjerë, njoftojnë agjencitë.

Sulmet, njëri prej të cilëve mendohet se ishte shpërthim vetëvrasës, kanë goditur lagjet ku ndodhen kapacitetet e agjencive të sigurimit.

Gjatë muajve të fundit kanë ndodhur disa sulme të militantëve në Lahore.

Në fillim të kësaj jave, së paku 13 vetë u vranë nga sulmi vetëvrasës ndaj ndërtesës, që përdorej nga forcat e sigurisë.