Takimi kritik Davutollu-Bilt

Takimi kritik Davutollu-Bilt

Pasi parlamenti suedez miratoi projektligjin në lidhje me pretendimet armene të vitit 1915, Ministri i Jashtëm turk Ahmet Davutollu, dje u takua në Finlandë me homologun e tij suedez Karl Bildt.
Davutollu i përcolli ministrit suedez shqetësimin e Turqisë në lidhje me ligjin e miratuar dhe i tha atij se parlamentet nuk duhet të vendosin në lidhje me ngjarjet historike.
Ministri i jashtëm i Turqisë dhe Suedisë u takuan në Finlandë gjatë mbledhjes jo zyrtare të ministrave të jashtëm të vendeve anëtare dhe kandidate të Bashkimit Evropian.
Takimi i veçantë mes dy ministrave u bë me kërkesën dhe iniciativën e Karl Bildt.
Pas bisedimeve dypalëshe ata dhanë një konferencë për shtyp.
Në këtë konferencë Ministri i Jashtëm i Turqisë Ahmet Davutollu tha se një gjë të tillë nuk e prisnin nga një parlament kaq miqësor. Ai e vlerësoi votimin e bërë si një gabim të madh parimor.
Edhe Karl Bild shprehu keqardhjen e tij për vendimin e marrë dhe se në Suedi qeveritarët nuk mund të përfshihen në votimin e parlamentit por ata kishin treguar publikisht se ishin kundër miratimit të projektligjit në fjalë.
Davutollu vlerësoi për TRT-në vendimin e parlamentit suedez dhe takimin e tij me Bildt.
Ai tha se është e pamundur të kuptohet një vendim i tillë i parlamentit suedez në një kohë që marrëdhëniet midis dy vendeve tona po shkonin kaq mirë, Një vendim i tillë ka për të provokuar marrëdhëniet Suedi-Turqi.
Davutollu u shpreh se qeveria e Suedisë e kupton shumë mirë reagimin e Turqisë.
Ai theksoi se vendimi i parlamentit suedez është jo serioz dhe është rezultat i provokacioneve të disa rretheve që kërkojnë të hakmerren nga Turqia./trt/