Në stuhinë tropikale në Madagaskar vdesin 14 persona

Në stuhinë tropikale në Madagaskar vdesin 14 persona

Antananarivo, 13 mars – Në stuhinë e fuqishme tropikale që goditi bregun lindor të ishujve Magaskar, vdiqën të paktën 14 persona, ndërsa qindra tjerë kanë mbetur pa shtëpi, raportojnë autoritetet.
Enti Kombëtar për menaxhimin e krizave në rast të katastrofave njoftoi se stuhia tropikale Hubert ka shkatërruar më shumë se 500 shtëpi, ndërsa njerëzit po mundohen të shpëtojnë atë që iu ka mbetur nga pasuria e tyre.
Autoritetet njoftuan se në zonën e krizës kanë dërguar 50 tonë oriz.
Madagaskari është ishulli i katërt më i madh në botë, ku kompanitë multinacionale nxjerrin naftë, kobalt, nikel dhe uranium.
Ishulli goditet nga stuhitë çdo vit, pasi gjendet në zonën e ciklonit.
Shteti vazhdon të rimëkëmbet nga efekti i krizës shumëvjeçare politike, që ka ndikuar në zvogëlimin e investimeve të huaja direkte dhe ka ndërprerë rritjen ekonomike.