Për shkak të thatësisë çahet pista në një aeroport në Kinë

Për shkak të thatësisë çahet pista në një aeroport në Kinë

Pekin, 17 mars – Për shkak të thatësisë së madhe dhe planifikimit gjithnjë e më të madh të aterimeve dhe fluturimeve të aeroplanëve, pista në aeroportin ndërkombëtar “Kunming” në provincën jugperëndimore kineze Yunan, është çarë në disa vende.
Thatësia është shumë e madhe në këtë vit në Yunan, niveli i ujërave nëntokësore ka rënë, ndërsa në pistë është arritur kapaciteti operativ, për çka sipërfaqja e saj është çarë”, deklaroi zëvendësdrejtori i përgjithshëm Pu Shan Lei për agjencinë shtetërore të lajmeve XinHua.
Pista për shkak të sanimit do të mbyllet çdo ditë nga mbrëmja deri në ora 7:30 në mëngjes, ndërsa punimet do të vazhdojnë edhe gjatë muajit të ardhshëm, raportoi Reuters.
Thatësia gjatë këtij viti në Yunan është më e larta në 60 vitet e fundit, ndërsa ka goditur 85 % të tokave bujqësore në provincë.
Aeroporti “Kunming”, i cili është ndërtuar në vitin 1923, është i shtati në Kinë sa i përket numrit të pasagjerëve dhe trafikut të mallrave.