Sulme të reja ajrore në Rripin e Gazës

Sulme të reja ajrore në Rripin e Gazës

Ushtria izraelite ka kryer sulme nga ajri ndaj aeroportit që nuk punon në Rripin e Gazës.
Si pasojë e sulmeve u plagosën të paktën 11 vetë, dy prej të cilëve rëndë, njoftuan ekipet shpëtimtare palestineze.
Aviacioni izraelit shkrepi gjithsej katër raketa në hapësirat e aeroportit në afërsi të qytetit Rafah në jug të Rripit të Gazës.
Të enjten si pasojë e një sulmi palestinez humbi jetën një bujk izraelit. Ndërkohë ministri i Jashtëm izraelit Avigdor Liebermann, refuzoi konceptin e kuartetit për Lindjen e Mesme për bisedime të reja paqësore dhe një zgjidhje me dy shtete. /alsat-m/