Filloi punimet Samiti i Ligës Arabe në Libi

Filloi punimet Samiti i Ligës Arabe në Libi

Liderët arabë hapën samitin e tyre vjetor të shtunën, të vendosur për t’i dërguar një mesazh të qartë Izraelit se çdo plan për të “judaizuar” Jerusalemin do të dëmtojë procesin paqësor në Lindje të Mesme.
Ky është samiti i parë, nikoqir i të cilit është lideri libian Moamer Kadhafi, i cili e konsideron Izraelin “armik” dhe shpesh ka kritikuar ashpër vendet arabe, të cilat kërkojnë paqe me shtetin izraelit, raporton AFP.
Takimi vjen pas vrasjes së dy ushtarëve izraelitë dhe katër palestinezëve, si rezultat i përleshjeve të armatosura në një pikë kufitare, dhe zotimit të kryeministrit izraelit, Benjamin Netanyahu, që të veprojë sipas planit të tij për Jerusalemin lindor.
Në prag të takimit, kreu i Lidhjes Arabe, Amr Musa tha se Izraeli duhet të ndalojë ndërtimin e 1 600 shtëpive të reja për hebrenj në Jerusalemin lindor para fillimit të bisedimeve jo të drejtpërdrejta.
Samiti do të zgjasë dy ditë. /koha/