NATO pranon vrasjen e 5 civilëve në Afganistan

NATO pranon vrasjen e 5 civilëve në Afganistan

NATO pranoi sot se trupat e saj gjatë një sulmi gjatë natës në shkurt, në njërën shtëpi në juglindje të Afganistanit vranë pesë civilë, midis të cilëve edhe tri gra.
Forcat ndërkombëtare janë përgjegjëse për vdekjen e tri grave, të cilat ishin në të njëjtën shtëpi, në të cilën u vranë dy meshkuj gjatë operacionit të përbashkët të forcave të koalicionit dhe atyre afgane, në kërkim të militantëve talibanë”, thuhet në njoftimin e NATO-s.
NATO thekson se forcat e saj kanë hyrë më 12 shkurt në një shtëpi në zonën Gardez në provincën Paktia, duke besuar se aty fshiheshin militantët. Ata vranë dy burra, pasi që kishin armë, ndërsa më vonë u vërtetua se nuk ishin rebelë, por po mbronin familjet e tyre, raporton agjencia e lajmeve AP.
Vrasja e civilëve gjatë operacioneve të trupave të huaja ka shkaktuar zemërimin e afganëve dhe presidentit Hamid Karzai, i cili ka kërkuar ndalimin e sulmeve të natës. /koha/