Karzai thirri talebanët të ndalojnë luftimet

Presidenti i deritanishëm afgan, Hamid Karzai, u bëri një thirrje sot talebanëve me rastin e festës së Fiter Bajramit, që ti japin fund luftimeve dhe shkatërrimit të vendit të tyre.

"Edhe një herë, u bëj thirrje të gjithë vëllezërve afganë të zemëruar, apo atyre të kampit kundërshtar t'u japin fund luftimeve, të ndalojnë së shkatërruari vendin e tyre dhe së vrari bashkatdhetarët e tyre", deklaroi Karzai.


"Ata duhet të kthehen në shtëpitë e tyre dhe të jetojnë në paqe në vendin e tyre", tha ai. Karzai udhëheq bindshëm në zgjedhjet presidenciale të mbajtuar kohë më parë dhe në rast të konfirmimit të fitores, ka premtuar të fillojë negociatat me talebanët, kryengritja e të cilëve është intensifikuar gjatë muajve të fundit. Deklaratat e presidentit të deritanishm bëhen në kohën kur lideri i talebanëve afganë, mollah Omari, siguroi dje se trupat e huaja në Afganistan do të njohin së shpejti një "humbje të qartë".