Holanda ua kthen prodhuesve 21 milionë vaksina

Holanda ua kthen prodhuesve 21 milionë vaksina

Amsterdam, 7 mars – Qeveria holandeze ka vendosur t’i kthejë prodhuesve rreth 21 milionë vaksina të papërdorura kundër gripit A (H1N1), pasi që u konstatua se ato nuk janë të nevojshme dhe asnjë vend nuk dëshiron t’i blejë, njoftoi sot Ministria holandeze e Shëndetësisë.
Zëdhënësja e kësaj ministrie theksoi se tashmë janë kontaktuar prodhuesit, koncerni britanik “Glaks-Smith-Kline” dhe kompania zvicerane “Novartis”, për kthimin e kësaj sasie të vaksinave, duke mos theksuar çmimin, raporton agjencia Reuters.
Ministria përkatëse ka kërkuar 34 milionë doza të vaksinave në kohën kur raportet për përhapjen e pandemisë ishin të frikshme, që ishte e mjaftueshme që çdo banor i këtij vendi të vaksinohet dy herë.
Në Holandë janë përdorë 11 milionë vaksina, ndërsa 2.2 milionë doza janë ruajtur në rast të emergjencave.