Nxënësit në manastirin Ettal prej vitesh të keqtrajtuar

Në Gjermani skandali i keqtrajtimit seksual në kishën katolike po merr përmasa gjithnjë e më të mëdha dhe me detaje tronditëse. Në manastirin e urdhërit benediktin Ettal në Bavarinë e sipërme, numri i viktimave nga dënimet brutale dhe keqtrajtimet seksuale ka arritur të paktën 100. Në Ettal, sipas raportit paraprak të hetuesit të pavarur të ngarkuar nga manastiri, Thomas Pfister, murgjit me dekada të tëra deri në vitin 1980, kanë keqtrajtuar fëmijët dhe të rinjtë dhe i kanë torturuar dhe rrahur ata. Një e ashtuquajtur „kulturë e heshtjes dhe injorancës“ sistematike ka lehtësuar veprimet e keqbërësve./dw/