Kina: Vetëm socializmi mund “të shpëtojë” Tibetin

Kina: Vetëm socializmi mund “të shpëtojë” Tibetin

Pekin, 7 mars – Guvernatori i ri kinez për Tibetin tha të dielën se vetëm socializmi mund të “shpëtojë” rajonin e largët dhe të garantojë zhvillimin e tij, dhe fajësoi Dalai Laman për problemet e Tibetit.
Padma Choling, një tibetian etnik i emëruar guvernator në janar, fajësoi për problemet e rajonit liderin shpirtëror në ekzil dhe laureatin e çmimit Nobel për paqe Dalai Laman, i cili konsiderohet nga Pekini si “separatist”, dhe nxitës i dhunës anti-kineze.
Të paktën 19 persona kanë vdekur në trazirat e vitit 2008, të cilat u shkaktuan nga protestat në gjithë Tibetin.
Grupet pro-tibetiane jashtë vendit thonë se më shumë 200 persona kanë vdekur në këto protesta.
Dalai Lama, i cili është vendosur në Indi në vitin 1959, pas një kryengritje të dështuar, mohon akuzat e Kinës kundër tij, dhe thotë se vetëm kërkon autonomi kuptimplotë për Tibetin.