Tërmet në Turqi, të paktën 40 të vdekur

Tërmet në Turqi, të paktën 40 të vdekur

Të paktën 40 persona, prej të cilëve 4 fëmijë, kanë vdekur nga një tërmet i fuqishëm me fuqi 6 shkallë të Rihterit, i cili ndodhi sot në mëngjes në lindje të Turqisë, njoftuan autoritetet.
Bekir Janilmaz, kryetari i qytetit Kovancilar, i cili gjendet afër zonës të prekur më së shumti nga tërmeti, njoftoi se 40 persona kanë humbur jetën në fshatrat Okcular, Jukari Kanatli dhe Kayali, në provincën Elazig, raportuan agjencitë.
Departamenti për Situata Emergjente njoftoi se janë plagosur të paktën 60 persona.
Ekipet e shpëtimit po punojnë në nxjerrjen e njerëzve nga rrënojat, raportoi agjencia Reuters, duke u thirrur në zyrtarët lokalë.
Organizatat humanitare turke kanë dërguar ndihma të shumta në zonat e prekura nga tërmeti.
Epiqendra e tërmetit, i cili ndodhi në 4.32 sipas orës lokale, ndodhet 43 km në perëndim të qytetit Bingol, në thellësi prej dhjetëra kilometra, njoftoi Shërbimi Sizmologjik turk.