Tërmet në Indonezi dhe Japoni

Tërmet në Indonezi dhe Japoni

Një tërmet i fuqishëm me intenzitet prej 7 ballësh sipas shkallës së Rihterit e ka goditur pjesët lindore të Indonezisë, komtoi agjencia indoneziane për meteorologji dhe gjeofizikë.
Instituti amerikan i gjeologjisë ndërkaq informoi se në rajonin e njejtë ka regjistruar tërmet me intenzitet prej 6.4 ballësh.
Epiqendra e dridhjes ka qenë 50 kilometra nën sipërfaqen e tokës në provincën indoneziane Molluku, rreth 2.430 kilometra në lindje të Xhakartës.
Për momentin nuk ka informacione për viktima eventuale dhe për dëme të shkaktuara materiale, ndërsa autoritetet indoneziane nuk kanë paralajmëruar për paraqitjen eventuale të cunamit.
Ndërkohë një tërmet me forcë 6.6 shkallë të Rihterit ka goditur ishullin japonez Honshu, kanë bërë të ditur agjencitë e lajmeve.
Raporte për dëmet ose viktimat eventuale tash për tash nuk ka, ndërsa autoritetet nuk kanë sinjalizuar cunamin. Tërmeti është hetuar edhe në Tokio. Alsat-M