Në përleshjet në Nigeri 500 të vdekur

Në përleshjet në Nigeri 500 të vdekur

Abuja, 8 mars – Të paktën 500 persona kanë vdekur në përleshjet ndërmjet të krishterëve dhe myslimanëve jo larg qytetit Jos, në Nigerinë Qendrore, njoftuan zyrtarët nigerianë.
Zyrtarët nigerianë shtuan se policia ka arrestuar 95 të dyshuar se kanë marrë pjesë në vrasje.
Cak i sulmuesve ishin tri fshatra, në të cilat jetojnë pjesëtarët e pakicës etnike Berom, në jug të Josit, ndërsa sulmi është kryer nga fisi nomad Fulani.
Ushtria nigeriane ka rrethuar fshatrat e prekura nga dhuna, ndërsa disa qindra njerëz janë larguar nga shtëpitë e tyre.
Dhuna fetare dhe etnike është e shpeshtë në zonën e Josit. Në përleshjet midis të krishterëve dhe myslimanëve në janar kanë vdekur më shumë se 300 persona, ndërsa në gjithë zonën është vendosur ora policore.