Më shumë se 200 të vdekur në Nigeri

Më shumë se 200 të vdekur në Nigeri

Abuja, 7 mars – Më shumë se 200 persona raportohet të jenë vrarë në përleshjet afër qytetit Jos, në Nigerinë Qendrore.
Dëshmitarët thanë se kufomat janë grumbulluar në fshatin Dogo-Nahawa, disa kilometra në jug të Josit.
Një mjek në një spital në Jos deklaroi për agjencinë e lajmeve Reuters se viktimat ishin prerë dhe djegur.
Në janar, qindra persona ishin vrarë në trazirat fetare në qytet, i cili gjendet midis veriut, me shumicë myslimane, dhe jugut, me shumicë të krishterë.
Përleshjet etnike dhe fetare shpërthyen edhe në vitin 2008, duke lënë qindra të vrarë.