“Robin Hudi” shqiptar që solli përdhunuesin nga Gjermania në Francë

“Robin Hudi” shqiptar që solli përdhunuesin nga Gjermania në Francë

Paris, 9 mars - Andre Bamberski ka kaluar 27 vjet duke u përpjekur për të sjellë para drejtësisë personin, për të cilin është i sigurt se e ka përdhunuar dhe vrarë vajzën e tij 14 vjeçare, Kalinka, sa ishte në vizitë në vendlindjen e nënës së saj në Lindau të Gjermanisë, shkruante sot “Times” i Londrës.
Gjykatësit vendosën që Dieter Krombach , 74 vjeçar, duhet të dalë në gjyq në Francë, megjithëse është rrëmbyer në Gjermani, duke kaluar kufirin dhe është dorëzuar i lidhur, te policia franceze, nga njerëzit që vepruan në emër të Bamberskit.
Në vitin 1995 Krombach u gjykua në mungesë në Paris dhe u dënua me 15 vjet burg për vrasje.
Por pavarësisht përpjekjeve të autoriteteve franceze për ta ekstraduar, autoritet gjermane kishin refuzuar këtë me arsyetimin se çështja është mbyllur në vitin 1987 dhe qytetari gjerman nuk mund të ekstradohet.
Në tetor të vitit 2009 Krombach u gjeti i lidhur jashtë një gjykate në Francë. Ai ishte rrëmbyer në Bavari dhe ishte sjellë në Francë nga një shqiptar i quajtur Anton Krasniqi, i cili i kishte ofruar shërbimet e tij për Bamberskin, pasi kishte dëgjuar për rastin e tij. Krasniqi nuk kishte kërkuar para, por e bënte këtë nga simpatia.
Bamberski për Krasniqin tha se vepronte si “Robin Hoodi”.
Dhe gjykata vendosi sot në Palais de Justice në Paris, që Krombach të gjykohet në Francë, megjithëse është rrëmbyer në Gjermani dhe është sjellë i lidhur te policia franceze.