Dështojnë bisedimet indirekte për paqe në Lindjen e Afërt

Dështojnë bisedimet indirekte për paqe në Lindjen e Afërt

Tel-Aviv, 11 mars - Për shkak të planeve për ndërtimin e ngulimeve të reja hebreje në Jeruzalemin Lindor, bisedimet indirekte për paqe mes Izraelit dhe palestinezëve kanë dështuar.
Presidenti palestinez Mahmut Abaz njoftoi Ligën Arabe që ai nuk do të marrë pjesë në bisedime.
Në këtë mënyrë negociatat janë bllokuar, tha Sekretari i Përgjithshëm i Ligës, Amre Musa në Kajro.
Më parë brenda qeverisë izraelite kishte pasur reagime të ashpra lidhur me vendimin e Ministrisë së Brendshme, sipas të cilit lejohet ndërtimi i 1600 banesave të tjera në Jeruzalemin Lindor të banuar nga hebrenjtë ultra - ortodoksë.
Kritika të ashpra për këtë pati nga SHBA-ja dhe BE-ja.
Zëvendëspresidenti amerikan Joe Biden e cilësoi ndërtimin e banesave gjatë një takimi me udhëheqjen palestineze "të papranueshme".