Akselrod: Izraeli pengon procesin e paqes në Lindjen e Mesme

nga **Peace to you** Mon Mar 15, 2010 10:12 pm

Akselrod: Izraeli pengon procesin e paqes në Lindjen e Mesme

Një zyrtar i lartë Shtëpisë së Bardhë thotë se plani i Izraelit për të ndërtuar më shumë shtëpi në zonën e kontestuar në Jeruzalemin lindor, duket të jetë një përpjekje e llogaritur për të penguar procesin e paqes në Lindjen e Mesme.
Këshilltari i Presidentit Obama, Devid Axelrod, tha sot se plani i Izraelit është "fyerje" dhe shqetësues për të gjithë ata që promovojnë idetë e paqes dhe të sigurisë.
Izraeli ndezi debatin javën e kaluar duke njoftuar se do të ndërtojë 1600 shtëpi të reja në Jeruzalemin Lindor, të cilin trupat e tij e pushtuan gjatë luftës arabo-izraelite të vitit 1967.
Palestinezët duan që Jeruzalemi lindor të jetë kryeqyteti i shtetit palestinez. Izraeli njoftoi planet gjatë vizitës së zëvendës-presidentit, Joe Biden, menjëherë pasi palestinezët ranë dakord për bisedime indirekte me Izraelin.
Presidenti palestinez, Mahmoud Abbas, ka kërkuar ngrirjen e ndërtimit të vendbanimevenga ana e Izraelit para se të rifillojnë bisedimet e paqes. Kryeministri izraelit, Benjamin Netanyahu, tha sot se qeveria e tij po merret seriozisht me çështjen. (ZIA)