"Këmishat e kuqe" marshojnë në kryeqytetin e Tajlandës

"Këmishat e kuqe" marshojnë në kryeqytetin e Tajlandës

Dhjetëra-mijëra njerëz kanë marshuar në rrugët e kryeqytetit Bankok në Tajlandë.
Ata duan të paralizojnë jetën publike dhe të detyrojnë qeverinë që të japë dorëheqjen.
Lëvizja opozitare UDD ka arritur gjatë natës që të mobilizojë dhjetëra -mijëra demonstrues në rajonet përreth kryeqytetit, të cilët kanë krijuar radhë të gjata nëpër autostradat që shpien në kryeqytet.
Për të dielën është planifikuar një tubim proteste ku pritet të marrin pjesë 300 mijë njerëz.
Në detyrë ndodhen rreth 35 mijë forca të sigurimit. Protestuesit të cilët njihen ndryshe me emrin "këmishat e kuqe" duan të rrëzojnë kryeministrin Abhisit Vejjajiva i cili mori pushtetin pa zgjedhje. /dw/