Njeriu i al-Qaedas në centralet bërthamore amerikane

Njeriu i al-Qaedas në centralet bërthamore amerikane

New York, 13 mars - Një shtetas amerikan, i arrestuar në një kamp stërvitjeje të al-Qaedas në gadishullin arab të Jemenit, ka punuar për gjashtë vjet në centralet bërthamore amerikane.
Lajmin e bën të ditur rrjeti informativ “CBS” në edicionin online të tij.
Sipas burimit, personi në fjale, i quajtur Sharif Mobley, 26 vjeç, mund të ketë pasur qasje tek informacionet sekrete të impianteve amerikane.
Mobley supozohet të jetë anëtar i të njëjtës degë të al-Qaedas të lidhur me sulmin e dështuar të Ditës së Krishtlindjeve për shpërthimin e një aeroplani në Detroit, dhe akuzohet për vrasjen e një roje në përpjekje për të ikur nga spitali.
Zyrtarët thanë se qeveria amerikane ishte në dijeni për lidhjet potenciale të Mobley me al-Qaedan, para se të arrestohet nga Jemeni, por nuk dhanë hollësi tjera se çka saktësisht dinin për të.