Regjistrohen dy tërmete të reja në Kili

Regjistrohen dy tërmete të reja në Kili

Dy tërmete me fuqi 5.7 dhe 5.5 shkallë të Rihterit janë regjistruar në rajonet kiliane, Maule dhe Bio Bio, të cilat më 27 shkurt u goditën nga tërmeti shkatërrimtar.
Tërmeti i parë është regjistruar dje në ora 15:31 me epiqendër 55 km në veri të qytetit Concepcion, 550 km në jug të Santiagos.
Rreth gjysmë ore më vonë është regjistruar edhe tërmeti i dytë, epiqendra e të cilit ishte 53 km në veriperëndim të Santiagos, raporton agjencia kineze e lajmeve XinHua.
Një tërmet me fuqi 8.8 shkallë të Rihterit u regjistrua më 27 shkurt në Kili, duke shkaktuar cunami, ndërsa sipas të dhënave zyrtare kanë vdekur rreth 500 persona, ndërsa qindra tjerë janë zhdukur.
Pas këtij tërmeti të fuqishëm, janë regjistruar edhe më shumë se 100 lëkundje tjera të tokës. /koha/