Netanjahu: Jerusalemi është kryeqyteti i Izraelit

Netanjahu: Jerusalemi është kryeqyteti i Izraelit

Kryeministri izraelit, Benjamin Netanjahu, thotë se Izraeli ka të drejtë të ndërtoj në Jerusalem, duke thënë se ky qytet “nuk është koloni” por kryeqytet i Izraelit.

“Populli hebre ka ndërtuar në Jerusalem para 3 mijë vjetësh dhe populli hebre po e ndërton Jerusalemin edhe sot.
Jerusalemi nuk është koloni, por kryeqyteti ynë”, tha mbrëmë Benjamin Netanjahu, duke folur në Komitetin Amerikano – Izraelit për çështje publike, që është një grup lobues pro-izraelit, në Uashington.
Më herët, sekretarja amerikane e shtetit, Hillari Klinton, i tha po këtij Komiteti, se politika e Izraelit për zgjerimin e vendbanimeve hebreje në pjesën lindore të kontestuar të Jerusalemit dhe në Bregun Perëndimor, është pengesë për progres në biseidmet paqësore me palestinezët.
Aktualisht, Izraeli i ka shpallur planet për ndërtimin e 1600 shtëpive të reja afër Jerusalemit Lindor, dhe kjo ka nxitur kritika nga administrata e presidentit amerikan, Barak Obama.
Sot më vonë gjatë ditës, pritet takimi Obama – Netanjahu në Shtëpinë e Bardhë./rel/