Netanjahu nuk tërhiqet nga plani për kolonizimin e Jerusalemit

Netanjahu nuk tërhiqet nga plani për kolonizimin e Jerusalemit

Izraeli ka të drejtë të ndërtoj në Jerusalem, pasi ky qytet “nuk është koloni” por kryeqytet i Izraelit.
Kështu deklaroi kryeministri Benjamin Netanjahu, duke folur në Komitetin Amerikano – Izraelit për çështje publike, që është një grup lobues pro-izraelit, në Uashington.
Më herët, sekretarja amerikane e shtetit, Hillari Klinton, i tha po këtij Komiteti, se politika e Izraelit për zgjerimin e vendbanimeve hebreje në pjesën lindore të kontestuar të Jerusalemit dhe në Bregun Perëndimor, është pengesë për progres në bisedimet paqësore me palestinezët.
Aktualisht, Izraeli i ka shpallur planet për ndërtimin e 1600 shtëpive të reja afër Jerusalemit Lindor, dhe kjo ka nxitur kritika nga administrata e presidentit amerikan, Barak Obama.