Vendimi mbi horoskopin

Vendimi mbi horoskopin



Unë e di se është haram të lexohet horoskopi pasi që vetëm Allahu (swt) e din se çka përmban ardhmëria për ne dhe pasi që e kam kuptuar këtë, elhamdulilah jam ndalur prej leximit të horoskopit tim. A është interpretimi i ëndrrave gjithashtu haram apo është e lejuar. Kam ëndërruar që isha kidnapuar dhe gjithashtu e kam pa në ëndërr hallën time që po hante gaforre dhe ma dha një përqafim. Interneti e ka një faqe për interpretimin e ëndrrave dhe të kidnapuarit tim donë të thotë se do të bije në një situatë të turpshme dhe përqafimi i hallës sime donë të thotë se do ta humbi të dashurën time. A është kjo e vërtet? Ju lutem a keni mundësi ta komentoni.



Lavdërimi i qoftë Allahut



Astrologjia, horoskopët, paragjykimet dhe faltarët të gjitha janë vepra të xhahiljetit (të injorancës) për të cilat islami ka ardhur që ti tregoj si të rrejshme dhe për të sqaruar se janë shirk, për arsye se përfshinë atë që të mbështetësh në diç tjetër përveç Allahut dhe të besosh se dobia dhe dëmi vije prej dikujt tjetër përveç Tij, dhe ti besosh fjalët e fat thanësve dhe falltarëve të cilët rrejshëm pohoj se kanë dituri për të padukshmen në mënyrë që ti mashtrojnë njerëzit në lidhje me parat e tyre dhe për tua ndryshuar besimin e tyre. Fakti (delil) për këtë është hadithi i transmetuar prej Ebu Davudit në Sunen me lidhje shih prej Ibn Abasit (Allahu qoftë i kënaqur me të), se i Dërguari i Allahut (paqja dhe shpëtimi i Allahut qoftë mbi të) ka thënë: “Kushdo që mëson diç prej astrologjisë e ka mësuar një degë të magjisë (el-siher)...” Dhe el-Bazar transmeton me zinxhir të mirë prej Imran ibn Husejn se i Dërguari i Allahut (paqja dhe shpëtimi i Allahut qoftë mbi të) ka thënë: “Kushdo që pohon se i din ndonjë çështje prej të padukshmes ose është falltarë ose është duke vepruar si falltarë në njëfarë mënyre, për arsye se vetëm Allahu është Ai që e din të fshehtën. Allahu thotë (shpjegimi i domethënies);



” Thuaj: "Askush veç All-llahut as në qiejt, as në tokë nuk e di të fshehtën...” [Neml 27:65]



Këshilla ime për çdonjërin i cili ka të bëjë me këto çështje është që ti pendohet Allahut dhe ta kërkon faljen e Tij, dhe të mbështetet vetëm në Allahun, dhe amanetin e tij të mbështetët në Atë në të gjitha çështjet, duke i pasuar mjetet praktike të cilat janë të përshkruara apo të lejuara në sheriat. Ata duhet ti braktisin këto gjëra të xhahiljetit, të qëndrojnë larg atyre dhe ti shmanget pyetjes së njerëzve që i praktikojnë ato apo tu besosh atyre se çka thonë, këtë si bindje ndaj Allahut dhe të Dërguarit të Tij (paqja dhe shpëtimi i Allahut qoftë mbi të), në mënyrë që ta mbrosh përkushtimin tënd ndaj islamit dhe akides tuaj (bindje fetare).



E përshtatur prej Mexhmu’ Fetaawa Shejh Ibn Baz (Allahu e mëshiroftë), 2/123