Sulme kamikaze mbi ambasadat në Bagdad

Sulme kamikaze mbi ambasadat në Bagdad

3 autobomba kanë shpërthyer njëra pas tjetrës në afërsi të ambasadave të Iranit, Egjiptit dhe Gjermanisë, si pasojë kanë gjetur vdekjen 42 vetë dhe janë plagosur 224 të tjerë.

42 të vdekur dhe 224 të plagosur është bilanci i sulmeve kamikazë kundër ambasadave të tre shteteve në qendër të Bagdadit.
Ndërkohë që nuk dihet ende se kush do të formojë qeverinë në Irak pas zgjedhjeve të 7 marsit, ngjarjet e dhunës duket se janë përshkallëzuar.
3 autobomba kanë shpërthyer njëra pas tjetrës në afërsi të ambasadave të Iranit, Egjiptit dhe Gjermanisë.
Pas këtyre shpërthimeve pasuan sulme me mortaja në drejtim të "Zonës së Gjelbër", ku gjenden godinat e qeverisë dhe të ambasadave tjera. Në sulme kanë humbur jetën 42 persona dhe janë plagosur 224 të tjerë.
Sipas lajmit të televizionit Al-Arabije, pas sulmeve në ambasadën e Egjiptit dhe Iranit, si dhe sulmit në kryqëzimin në afërsi të ambasadave të Gjermanisë, Spanjës dhe Sirisë, forcat e sigurisë kanë rritur nivelin e sigurisë.
Zëdhënësi i policisë së Bagdadit, deklaroi se në lagjen Masba në qendër të kryeqytetit është kapur një automjet të ngarkuar me bomba.
Bëhet e ditur se drejtuesi i automjetit është arrestuar, ndërsa bombat janë asgjësuar./trt/