Ushtarët amerikanë me metallica kundër talibanëve

Ushtarët amerikanë me metallica kundër talibanëve

Ushtria amerikane përdorë këngë rok dhe të grupeve matal “Metallica”, “The Offspring” dhe “Thin Lizzy” për të luftuar kundër talibanëve në Afganistan, transmeton ueb faqja NME.
Si pohon agjencia AP, ushtarët në Afganistan lëshojnë muzikë të zëshme në mënyrë që ti irritojnë rebelët dhe të shtyjnë ata të dalin nga birucat në vendbanimet rreth qytetit Marxhah.
"Talibanët e urrejnë këtë lloj muzike.
Disa nga banorët lokalë janë ankuar për shkak të zhurmës, por në këtë mënyrë mund t’i detyrojmë për të na treguar se ku fshihen talibanët e armatosur.
Në anën tjetër, muzika vepron në mënyrë motivuese në ushtarë dhe marinsa amerikanë”, sqaroi një nga eprorët e forcave speciale amerikane.
Me ndihmën e një automjeti special, të pajisur me altoparlantë të fuqishëm, muzika mund të dëgjohet në largësi edhe më ë madhe se tre kilometra.
Nënkoloneli i ushtrisë Brian Chrismas, komandant i marinsave amerikanë në Marxhah, konsideron se kjo taktikë nuk është “e përshtatshme” dhe tha se do të kërkojë që kjo të ndërpritet. /koha/