Po minohen iniciativat e Turqisë për paqe në rajon

Po minohen iniciativat e Turqisë për paqe në rajon

Presidenti i Turqisë, Abdullah Gyl, në lidhje me miratimin e projektrezolutës nga ana e Komitetit të Marrëdhënieve me Jashtë të Dhomës së Përfaqësuesve të Kongresit Amerikan, tha se këto lloj iniciativash do të minojnë përpjekjet e Turqisë për paqe në rajon.
Dje në Stamboll, përpara ceremonisë së Çmimeve të Akademisë së Universitetit të Arteve Mimar Sinan, në përgjigjet për gazetarët, Presidenti Gyl tha se vendimi i marrë nuk ka asnjë vlefshmëri për popullin turk.
Ai tha: "Jemi përballë politikanëve që nuk kanë vizion, aq sa për të marrë 3-4 vota më shumë. Ata votojnë kundër një vendi aleat".
Ata që votojnë kundër Turqisë, nuk kanë aq njohuri sa të bëjnë 2-3 minuta koment në lidhje me temën, bëri të ditur Gyl dhe shtoi: "Turqia asnjëherë nuk pranon diçka të arritur me kërcënim e presion.
Nga kjo pikëpamje, ky vendim nuk është gjë tjetër veçse një minim për përpjekjet e Turqisë për paqe dhe stabilitet në rajon dhe për përpjekjet për zgjidhjen e problemeve brenda një bashkëpunimi të madh në Kaukaz".
Ndërkaq Presidenti Gyl në lidhje me operacionet kundër organizatës terroriste PKK në Evropë tërhoqi vëmendjen se lufta kundër terrorit është një përgjegjësi e të gjitha vendeve./trt/mesazhi/