Rriten çmimet e naftës pas vendimit të OPEC-ut për kuotat ekzistuese

Rriten çmimet e naftës pas vendimit të OPEC-ut për kuotat ekzistuese

Vjenë, 17 mars – Organizata e vendeve eksportuese të naftës (OPEC) është pajtuar të mbajë kuotën ekzistuese të prodhimit të naftës.
Vendimi është pritur gjerësisht, por megjithatë ka ndikuar në rritjen e çmimit të naftës në Britani të Madhe për 72 cent, në 81.25 dollarë për barelë.
Ndërsa nafta amerikane është rritur për 77 cent në 82.47 dollarë për barelë.
Karteli i prodhuesve të naftës tashmë ka tejkaluar objektivin e përcaktuar për prodhim prej 24.84 milionë barela në ditë, por kërkesa pritet të rritet.
Ministri i naftës i Arabisë Saudite Ali al-Naim tha se pret që kërkesa të rritet fuqishëm.
Al-Naim, tha për agjencinë e lajmeve Reuters vetëm disa ditë para takimit në Vjenë se është i kënaqur me ecjen e gjërave.
“Kërkesë e mirë, furnizim i besueshëm, çmime të mira – ne jemi shumë të lumtur”, tha ai.
Mbretëria, që është prodhuesi i dytë më i madh i naftës në botë, pas Rusisë, tha se kërkesa globale do të rritet për një milion barela në ditë, kryesisht nga kërkesa që vjen nga Azia.
Por presidenti i OPEC-ut, Germanico Pinto, tha se nuk mund të jenë të kënaqur me gjendjen e ekonomisë.