Francezët më të zëshmit kundër nikabit

Francezët më të zëshmit kundër nikabit

Në mesin e qytetarëve të shtatë vendeve ku është zhvilluar anketa, më të zëshmit pro ndalimit të nikabit, mbulesës islame e cila mbulon tërë fytyrën dhe trupin e gruas, në disa vende publike, janë francezët, sipas rezultateve të cilat të martën ka publikuar Financial Times.
Afro 70% francez të anketuar konfirmuan përkrahjen e ndalesës së bartjes së nikabit.
Por, edhe shumica e të anketuarve në Evropë përkrahin një ligj të tillë në vendin e tyre, bën të ditur Tportal.
Këtë ndalesë do ta aprovonin 65% spanjollë dhe 63% italian, një numër pak më i vogël i britanikëve (57%) dhe gjerman (50%).
Në Shtetet e Bashkuara 33% e të anketuarve janë shprehur pro ndalesës, ndërsa më pakë se 30% në Kinë.
Por, më shumë se 60% amerikanë dhe britanikë janë pro zbatimit të skanerëve për tërë trupin në aeroporte, gjë që në Francë, Itali dhe Gjermani e përkrahin një pjesë jo shumë e madhe e popullatës.
Ndërsa në Spanjë vetëm 46% e përkrahin këtë mendim.
Nga data 3 dhe 10 shkurti anketën e zhvilloi Instituti Harris për Financial Times mes 7256 personave të rritur në Francë, Britani të Madhe, Gjermani, Itali, Spanjë, SHBA dhe Kinë