Spanjollët protestojnë kundër abortit

Spanjollët protestojnë kundër abortit

Madrid, 7 mars – Qindra protestues kanë marshuar nëpër qytetet spanjolle kundër një ligji që lehtëson kërkesën e grave për abort.
Në Madrid, familjet me fëmijë të vegjël bartnin pankarta, flamuj dhe balona, dhe këndonin “Jo abortit! Po jetës!”.
Ligji, tashmë i miratuar nga parlamenti, lejon abortin gjatë 14 javëve të para të shtatzënisë.
Aktualisht, në Spanjën kryesisht katolike, shtatzënia mund të ndërpritet vetëm në rrethana të veçanta.
Ligji i ri do të hyjë në fuqi në korrik të këtij viti.
Kjo është një prej çështjeve që kanë vënë përballë Kishën katolike kundër Qeverisë spanjolle, e cila ka legalizuar martesat homoseksuale dhe ka lehtësuar procedurën e divorcit.