Peresi kërkon përjashtimin e Iranit nga OKB

Tel Aviv, 9 mars - Irani të përjashtohet nga Kombet e Bashkuara. Ky ka qene apeli i presidentit izraelit Shimon Peres, i shprehur në një takim me zëvendëspresidentin amerikan, Joe Biden.
“Ndaj Iranit sanksionet me karakter moral janë më pak të rëndësishme se ato ekonomike”, deklaroi Perez.
“Mahmoud Ahmadinexhad nuk mund të jetë njëkohësisht anëtar i OKB-së dhe të kërkojë shkatërrimin e Izraelit”, shtoi ai.
“Nëse Teherani kërkon paqe, atëherë pse po zhvillon raketat me rreze të gjata veprimi? Nëse programi i saj bërthamor është për qëllime paqësore, pse ato raketa mund të bartin mbushje bërthamore”, tha Peres.
Peres gjithashtu paralajmëroi se nëse gjendja e sigurisë në Bregun Perëndimor bëhet e ngjashme me atë në Rripin e Gazës, atëherë rezultatet do të jenë “katastrofale”.