Ban Ki Moon i shqetësuar për gjendjen në Nigeri

Ban Ki Moon i shqetësuar për gjendjen në Nigeri

New York, 9 mars – Sekretari i përgjithshëm i OKB-së, Ban Ki Moon është i shqetësuar për shkak të situatës në qytetin nigerian Jos, pas dhunës ndërmjet të krishterëve dhe myslimanëve.
“Liderët politikë dhe fetarë të Nigerisë duhet të përballen së bashku me shkaqet e dhunës dhe të gjejnë zgjidhje të qëndrueshme për krizën në Jos”, deklaroi Ban Ki Moon, publikuar në ueb sajtin e OKB-së. Ban i ftoi të dy palët për përmbajtje.
Ushtruesi i detyrës së presidentit të Nigerisë, Goodluck Jonathan zëvendësoi këshilltarin për siguri kombëtare, Sarki Mukhtar, një figurë e fuqishme nga rrethi i bashkëpunëtorëve të ngushtë të presidentit Umaru Yar’Adua, dhe në vend të tij emëroi Aliyu Gusaua.
Jonathan është zgjedhur përkohësisht të kryejë detyrën e presidentit pas sëmundjes së Yar’Aduas.
Rreth 500 persona, në mesin e të cilëve kishte gra dhe fëmijë, vdiqën kur pjesëtarët e fisit Fulan sulmuan tre fshatra, kryesisht të krishtera, afër qytetit Jos.
Në janar, në përleshjet ndërfetare vdiqën rreth 400 persona.