Tërmet në Kosovë, ndjehet edhe në Shkup

Tërmet në Kosovë, ndjehet edhe në Shkup

Një tërmet më magnitudë 5 ballë sipas shkallës Rihter, goditi Kosovën rreth orës 14:38 minuta.
Lëkundjet, që e kishin epiqendrën 43 kilometra në perëndim të Prishtinës dhe 22 kilometra në jugperëndim të Mitrovicës, u ndjenë të fuqishme edhe në Shkup.
Informacioni për tërmetin dhe epiqendrën e tij, është dhënë nga Qendra Sizmiologjike Europiano-Mesdhetare në shërbimin e Internetit.
Lëkundjet e tokës, me epiqendër në territorin e Kosovës, i konfirmoi edhe Enti i sizmiologjisë në Maqedoni.
Korrespondentët e televizionin ALSAT në Prishtinë thonë se tërmeti është ndjerë në disa qytete të Kosovës, ndërsa nuk ka raporte për dëme dhe viktima.
Qytetarët të shqetësuar kanë dalë me shpejtësi nga banesat e tyre.
Edhe punonjësit e institucioneve në Prishtinë kanë braktisur për disa minuta vendet e tpunës dhe kanë dalë në Sheshin “Nënë Tereza”, të frikësuar për mundësinë e përsëritjes së mundshme të tërmetit.
Pas lëkundjeve të tokës për disa minuta nuk kanë funksionuar as rrjetet e dy operatorëve të telefonisë celulare në Kosovë.