Serbi, proces gjyqësor ndaj të akuzuarve për krime lufte në Kosovë

Serbi, proces gjyqësor ndaj të akuzuarve për krime lufte në Kosovë

Gjykata Serbe e Krimeve të Luftës nisi një tjetër proces kundër pjesëtarëve të disa forcave speciale, të cilat akuzohen për krime dhe masakra në Kosovë. 9 persona që dyshohen se kanë vrarë 41 njerëz në Pejë në maj të 1999, do të qëndrojnë në paraburgim deri në fillimin e procesit gjyqësor.
Një zëdhënëse e gjykatës u shpreh se ata rrezikojnë të dënohen me nga 10 vjet burg.
Prokuroria serbe ka bërë të ditur se një pjesë e te dyshuarve kanë qenë nga ushtria, por edhe nga mbrojtja territoriale.
Ata akuzohen për pjesëmarrje në sulme të armatosura dhe frikësimin e popullatës me qëllim të përfitojnë të mira materiale dhe prona.
Ky është rasti i tretë i madh, ku viktimat janë nga Kosova dhe çështja hetohet nga organizatat e drejtësisë.