Edhe Suedia nxjerr Rezolutë për Armeninë

Edhe Suedia nxjerr Rezolutë për Armeninë

Ambasadorja turke do të largohet nga Suedia

Parlamenti suedez e klasifikoi si gjenocid vrasjen e qindra mijëra armenëve gjatë Luftës I Botërore në Turqi.
Një rezolutë përkatëse është miratuar kundër vullnetit të qeverisë së qendrës së djathtë me 131 vota pro dhe 130 kundër.
Ministri i jashtëm Karl Bild shprehu keqardhje për vendimin pasi që sipas tij ai mund të rrezikojë procesin pajtues në mes të Turqisë dhe Armenisë.
Turqia ka urdhëruar tërheqjen e menjëhershme të ambasadores së saj nga Stokholmi.
Diplomatja turke njoftoi në televizion se do të largohet nga Suedia sa më shpejt që të jetë e mundur.
Duke komentuar vendimin e parlamentit në Stokholm, presidenti turk, Abdullah Gyl, tha se "ata që e morën këtë vendim nuk janë historianë.
Dhe ata shfaqin shumë pak respekt për historinë", tha Gyl.