Hetime për abuzime seksuale në kishë edhe në Danimarkë

Hetime për abuzime seksuale në kishë edhe në Danimarkë

Kisha katolike në Danimarkë njoftoi se do t’i hetojë akuzat për abuzim seksual në këtë dioqezë të cilat kanë ndodhur gjatë njëqind viteve të fundit.
Në kumtesën për opinionin, dioqeza thekson se ipeshkvi danez Çesllav Kozon, më 27 mars pas kthimit nga Roma dhe takimit me Papën “do të mbledh një grup të njerëzve kompetentë me detyrë për t’i hetuar në themel këto akuza”.
Ipeshkvi, në fillim të këtij muaji hodhi poshtë mundësinë për hetim, me arsyetim se akuzat janë “të vjetruara”, por për shkak të trysnisë së opinionit ndryshoi mendimin e tij.
Në kumtesën nuk përmendet se për sa raste dhe për cilën periudhë bëhet fjalë. /makfax/